>ჯიჯი ოქროს გლობუსი-2018

https://drive.google.com/drive/folders/1xzqAswLsfrK7-Q-ia9lwSIWblLK00XAf?usp=sharing

ჯიჯი გიმნაზია

28 თებერვალი, 16:36-ზე · 

ქალბატონ ნანა ჯაბურიასთვის მიძღვნილი პოსტი. 
პატივისცემით, ჯიმშერ ღურწკაია.

... "მოწამლა", იმიტომ რომ ქალბატონი ნანა ჯაბურია ზუსტად ის პედაგოგია, რომელსაც სინამდვილეში ესმის თანამედროების გამოძახილი. ესმის, რომ მხოლოდ ახალი მეთოდებით არის შესაძლო მივაღწიოთ მოზარდთა სათანადო შემეცნებას. ნახეთ როგორ აფასებენ ასეთ მიდგომას თვითონ ბავშვები?! თითქმის ყველა აღფრთოვანებული იყო გასული დღით. 
მასალის პროქეტებად დაგეგმარება და მოსწავლეთა გამოწვევა ჯანსაღ შეჯიბრებაზე-ეს არის ერთერთი დღევანდელი ამოცანა, ხერხი, მეთოდი, რომელსაც ჩვენ მესამე წელია, მეტნაკლებად კარგად, თუ ცუდად, მაგრამ მივყვებით. რაც, ნანა მასწავლებელმა სწორად აღიქვა და შეუდგა, პირველ რიგში, თავისი თავის "გადაკეთებას".
მხოლოდ მაშინ, როცა მასწავლებელი შეიგნებს მისი ფუნქციების ახალ ლიანდაგზე გადაყვანის საჭიროებას, როცა შეიგნებს დროის გამოძახილს, მაშინ შეუდგება ახალი იდეების განხორციელებას.
თუ გახსოვთ, ბოლო წლები, ყველა თათბირზე ერთსა და იგივეს გიჩემებთ - რომ სხვა დრო დადგა და დროა ვიფიქროთ მასწავლებლის როლზე, ფუნქციებზე დღეს. მითუმეტეს, როცა ღმერთმა მოგცათ ჯიჯიში იმის საშუალება, ისარგებლოთ ჯიჯით და გამოსცადოთ თავისი თავი ახალ ამპლუაში.
ხშირად გამიგონია სტუმრებისგან: "ამ სკოლაში რომ არ ისწავლის ის ბავშვი მართლა "მაგურაფალი" არ არისო". რატომაც არ უნდა დავამატოთ?-" ამ სკოლაში რომ ვერ ასწავლის ის მასწავლებელი, მართლა მასწავლებელი არ არის!"

ცალკე, უღრმესი მადლობა და აღფრთოვანება ქალბატონ ნანა ჯაბურიას. ჩემი შეფასება ბავშვების მრავალფეროვანი ემოციებისგან გამომდინარეა.

დიდი იმედი მაქვს, თქვენისთანა პედაგოგების და ჭკვიანი ჯიჯიელების მეშვეობით ჯიჯი იტყვის თავის სათქმელს ახალი პედაგოგიკის ისტორიაში.

Nino Kacharava საღამო მშვიდობის!) დღევანდელმა დღემ მართლაც ნაყოფიერად და საინტერესოდ ჩაიარა. გვქონდა 13 სხვადასხვა სახის დავალება. თავიდან დავიწყეთ ლოგიკური კითხვებით “რა? სად? როდის?” ფორმატში. დასმული იყო 10 კითხვა და ერთი შავი ყუთი, სადაც იდო საგანი, რომელსაც ფრენსის ბეკონმა აზრის ხომალდი უწოდა, რომელიც თაობებს გადაეცემა, პასუხი და საგანი, რომელიც ყუთში იყო წიგნი გახლდათ. მომდევნო მათგანი მოგზაურობა იყო რუკის გარშემო, გარკვეული მარშრუტი გვქონდა მოცემული, სადაც მინიშნება იყო ამა თუ იმ ობიექტზე, შენ კი ამ ობიექტის პასუხი უნდა დაგეწერა. ამასთან, მომდევნო დავალებებში უნდა გამოგვეცნო მოცემული რამდენიმე კომპანიის ლოგო, სახელმწიფოების კონტურების მიხედვით სახელმწიფო, დროშები და ლოგოები. მომდევნო დავალებაში მოცემული გვქონდა რამდენიმე ობიექტი, რომელიც გარკვეული კონტინენტისთვის, აფრიკისთვის უნდა მიგვესადაგებინა, ანუ მდებარეობდა ეს ტბა თუ მდინარე აფრიკაში. ერთ-ერთი დავალება საქართველოს კუთხეებს ეხებოდა, დასმული იყო 4 კითხვა ჩვენ კი პასუხი უნდა გაგვეცა, მაგალითად აჭარაში მდებარე მდინარე, რომელოც შავი ზღვის აუზს არ მიეკუთვნება. მომდევნო ეტაპი ციფრული იყო, მოთაშე გამოდიოდა სმარტ დაფასთან და უნდა გაეკეთებინა დავალებები ევროპის ქვეყნებთან დაკავშირებით, ასევე ხელსაწყოებისა თუ ღირსშესანიშნაობების ამოცნობა. ერთ-ერთ დავალებზე, მოსწავლე გამოდიოდა რუკასთან და თვალდახუჭულს, კონტურების მიხედვით გეოგრაფიული ობიექტი უნდა დაესახელებინა. მომდევნო დავალება კი დედაქალაქებს ეხებოდა, მასწავლებელი სვამდა შეკითხვას აზიისა და ევრობის ქვეყნების დედაქალაქებზე, ბოლოს კი სახალისო შეჯიბრი იყო, ვინ პირველი გახეთქავდა ბუშტს))))

Mariam Archaia მოგესალმებით! 
დღეს ჩატარდა შემეცნებითი შეჯიბრი გეოგრაფიაში, რომელშიც ხუთი კლასი ჩაერთო. პროექტის მიზანი იყო ნასწავლი მასალის განმეორება, და მისი რეალიზება.შეჯიბრი შედგებოდა ცამეტი ეტაპისგან. პირველი ეტაპი ,,იყო რა? სად? როდის? " რომელიც ათი კითხვისგან შედგებოდა. ასევე იყო ,,ლოგოები" , გერბები" ,,მოგზაურობა დაკარგულ გზებზე" , ,,გეოგრაფიული ობიექტების გამოცნობა ახვეული თვალებით " ,, შავი ყუთი" და სხვა . ყველაფერი ძალიან საინტერესო იყო. მადლობა ყველას .

Tamar Korkelia დღევანდელი დღე მართლაც რომ ემოციებით აღსასვსე იყო,( ძალიან ბევრს გამოგვეყო დოფამინი) გარდა გეოგრაფიული შეკითხვებისა იყო ბევრი სააზროვნო და ლოგიკური კითხვები.
ერთერთი კითხვა იყო: კლიენტმა 3-ჯერ დაიწუნა ..... მიზეზი კი მისი სათანადოდ თხლად არ დაჭრა იყო, და დიდი ვარაუდით მას დღეს დიდი სიამივნებით მივირთმევთ, პასუხი კი იყო ჩიფსი.

Qeta Qantaria საღამომშვიდობისა👋🏻მომეწონა ეს დღე იმიტომ რომ არც კი წარმომედგინა ჩვენმა კლასმა ამდენი თუ იცოდა!მთელი სულით და გულით ვიყავით ჩართულები იმ პროცესში რასაც "შეჯიბრი"ჰქვია,სინამდვილეში ეს "შეჯიბრი"კი არა იყო თავის გამოცდა რა ვიცოდით!კარგი იქნება თუ ასე გავაგრძელებთ პროექტებს,თან ასეთი შემართებით!შეიძლება რაღაც არ იცოდე მაგრამ ასეთ "თითქოს"უბრალო პროექტში იმდენი რამე გავიგეეე! ამდენს თუ ვისწავლით სო ინმანტირენა აკა?

Ani Archaia მოგესალმებით! დღეს ჩატარდა გეოგრაფიაში შეჯიბრი ნაყოფიერად ჩაიარა ყველაფერმა, შეჯიბრება შედგებოდა 13 ეტაპისგან. გამოვყოფდი "მოგზაურობა დაკარგულ გზებზე", უნდა ჩაგვესვა გამოტოვებულ ადგილას სწორი სიტყვები. ასევე, გაიმარჯვა მე-11 კლასმა და კიდევ ერთხელ ვულოცავ მათ. მიდა მადლობა გადავუხადო ქალბატონ ნანა ჯამბურიას და ჯიჯიელებს მონაწილობის მღებისთვის.)

4

Dachi Jiqia Dachi Jiqia საღამო მშვიდობის ბატონო ჯიმშერ!) არ განვმეორდები დღევანდელი შეჯიბრის ფორმატის შესახებ, რომლსაც ქეთას თქმის არ იყოს , მართლაც, ბევრი ჩვენთაგანისთვის ქონდა საკუთარი თავის გამოცდის სახე. რაც შეეხება, ზოგადად , დღევანდელს, გეორგაფიული ფაქტების გარდა, რაც ყველაზე სასიამოვნოა, მოგვიწია ძალიან ბევრი ლოგიკური პრობლემის გადაჭრა სხვადასხვა საგნიდან, მაგალითად ისტორიისდან და ლიტერატურიდან, თუმცა ალბათ ყველაზე მეტი დოფამინი მაშინ ჩაეღვარა თითოეულ ჩვენგანს, როცა დავინახეთ, თუ როგორ სწორად შეძლეს უმცროსმა ჯიჯიელებმა ძალიან ბევრი ფაქტის დაკავშირება და ლოგიკური ჯაჭვების ერათმანეთთან გადაბმა.) მინდა წარმატება ვუსურვო მათ და მადლობა გადავუხადო ქალბატონ ნანას, რომ ასე ორგანიზებულად ჩართო მთელი სკოლა საქმეში. რათქმაუნდა ძალიან ბევრი დეტალი, წლის ბოლოს, "ჯიმშერეულებს" გამოცდებზე დაგვეხმარება.

Soso Soselia დღეს ჯიჯიში ქალბატონმა ნანა ჯაბურიამ ჩაატარა შეჯიბრი-,,ოქროს გლობუსი"ამ დღისთვის ყველანი ვემზადებოდით.შეჯიბრი შედგებოდა რამდენიმე ეტაპისგან.ჩემთვის ყველაზე საინტერესო ეტაპი იყო:მოგზაურობა დაკარგულ გზებეზე და რა?სად?როდის?.ჩვენ ჯინჯიელები ვეცადეთ სხვა ჯგუფებისთვის ჯანსაღი კონკურენცია გაგვეწია...კიდევ ერთხელ ვულოცავ გამარჯვებულებს-ჯიმშერეულებს!!!ძალიან დასაფასებელი იყო მათი საქციელი.

Tamar Korkelia იმ აქტივობებზე მზადებამ რაც შეჯიბრზე იქნებოდა არა მარტო შეჯიბრისთვის მომამზადა არამედ ძირითადად საგამოცდოდ, ჩემი აზრით მსგავსი ფორმით ჩატარებული პროექტებით უფრო დამამახსოვრდება ვიდრე დავჯდე და ვიზეპირო./

3

Ako Sitchinava რათქმაუნდა საგამოცდოდ გამოგვადგება. ჩვენ თამაშ-თამაშით შევისწავლეთ მსოფლიოს დედაქალაქები. ვცნობთ თითოეულ ქვეყანას რუკაზე. ამას გარდა, ნომერკლატურა დავამუშავეთ, ვიცით რუკაზე მუშაობა და ა.შ. ჩემი აზრით ასეთი ნასწავლი ბევრად უფრო დაგვამახსოვრდება ვიდრე "დაზუთხული".

5

Janeta Shonia მე პირადად რამის სწავლისას რაღაცით უნდა დავიმახსოვრო რომ ადვილად გამახსენდეს და დღევანდელი პროექტში შესული თითეული კითხვა-პასუხი მთელი ცხოვრების განმავლობაში გამყვება.ასეთ ხერხს იყინებს ასევე ქალბატონი მარი კვირიკაძე (Mari Kvirikadze) როცა რამე არ ვიცით ვმსჯელობთ და შემდეგ პასუხამდე თვითონ მივდივართ.

2

Giorgi Toloraia გაამარჯობათ ჯიჯიელებო და ბატონო ჯიმშერ!) დღეს ჩატარდა შეჯიბრი გეოგრაფიაში, რომელიც ძალიან საინტერესო და სახალისო გამოდგა. მე ისეთ ემოციებში ვიყავი,როდესაც სწორ პასუხს გავცემდით, ცეკვას ვიწყებდი.) ამოცანები და დავალებები იყო დროშებზე, კონტინენტებზე და მათ მახასიათებლებზე, ქვეყანათა დედაქალაქებზე და სხვ. რომლებიც რათქმაუნდა გამოცდებისთის ძალიან გამოგვადგება.) <3 მინდა რომ მსგავსი პროექტები, კვლავაც გაგრძელდეს.))) გმადლობთთ!! <3

Janeta Shonia გიო ემოციები))🙃მართვა

Koka Ekhvaia საგამოცდოთ ბევრი რამ გაგვყვება ამ შეჯიბრიდან იმიტომ რომ ჩვენ ასევე სანამ ეს დღე დადგებოდა ე.წ მარათონის დღე ჩვენ იქამდე მზარდება მზადებაში შემოგვესწავლა დედაქალაქები, ღირშესანიშნაობები, რუკაზე მუშაობა და ა.შ ძალიან ბევრი რამ იყო ამ შეჯიბრში ლოგიკური კითხვებიც და ასევე გეოგრაფიული რომელიც გამოგვადგება და არა მხოლოდ სახალისოდ და ერთი დღისთვის არაა ნასწავლი !!!))

Nika Bokhua მოგესალმებით. დღევანდელი დღე ძალიან ნაყოფიერი იყო. მე პირადად ძალიან კმაყოფილი დავრჩი. შეჯიბრი არამხოლოდ გროგრაფიას, არამედ ლოგიკურ კითხვებს ეხებოდა. ყველა კლასი ძალიან მომეწონა, განსაკუთრებით კი მე-7 რადგან ეს მათვის პირველი იყო. ყველა გუნდის წევრო დოფანით ივსებოდა, რადგან თითოეული მოპოვებული ქულა ძალიან ბევრს ნიშნავდა.ჩვენ მე-8 კლასს კი ძალიან ბევრი დოფამინი გამოგვეყო. არ გვეგონა ამდენს თუ მივაყწევდით და დღეს ტვინებს კმაყოფილები ვწმინდავთ. დიდი მადლობა მინდა გადავიხადო ქალბატონ ნანა ჯაბურიას და ჩემს კლასელებს. დიდი მადლობა!

გეოგრაფიის სწავლებისას პროექტის მეთოდის გამოყენების მიზანია მოსწავლეთა მიერ გეოგრაფიული პრობლემების დამოუკიდებლად გადაწყვეტა, კონკრეტული სასწავლო პროდუქტის შექმნა, რაც მოსწავლეებს თვითრეალიზაციისა და წარმატების განცდაში ეხმარება. გეოგრაფიაში პროექტებზე მუშაობა ავითარებს ისეთი ზოგადი თუ გეოგრაფიული უნარების კომპლექსს, როგორებიცაა შემცნებითი, პრაქტიკული, შემფასებელი, მიზეზშედეგობრივი კავშირების დადგენისა და რეფლექსიის უნარები. გარდა ამისა, მოსწავლეები იღებენ ახალ ცოდნას და ახდენენ მის ინტეგრაციასა და ტრანსფერს.

მოსწავლეები პროექტულ სწავლებას დამოუკიდებელი სასწავლო-შემეცნებითი საქმიანობის საფუძველზე ახორციელებენ და გეოგრაფიული ინფორმაციის სხვადასხვა წყაროს იყენებენ: რუკებს, სტატისტიკურ მასალებს, საცნობარო და სამეცნიერო–პოპულარულ ლიტერატურას, მასმედიის მასალებს, ინტერნეტრესურსებს და სხვა.

გეოგრაფიის სწავლებისას ამ მეთოდს დიდი მნიშვნელობა აქვს. მისი არსი ის არის, რომ მოსწავლეებს დამოუკიდებლად უწევთ სასწავლო მასალის შესწავლა და შედეგის მიღება კონკრეტული პროდუქტის სახით. პროექტული სწავლება მოსწავლეებს საშუალებას აძლევს, სასწავლო საქმიანობა ზედმიწევნით მიუსადაგონ საზოგადოებისთვის მნიშვნელოვანი ამოცანების გადაჭრას, რითაც სასკოლო განათლება პრაქტიკულ გამოცდილებას უახლოვდება, ხოლო სასწავლო პროცესი უფრო აქტიური და საინტერესო ხდება.

გეოგრაფიაში შეიძლება გამოვყოთ სასწავლო პროექტების შემდეგი ტიპები:

• დომინირებად საქმიანობათა მიხედვით – ინფორმაციული, კვლევითი, შემოქმედებითი, გამოყენებითი ან პრაქტიკაზე ორიენტირებული;
• საგნობრივი შინაარსის მიხედვით – მონოსაგნობრივი, საგანთაშორისი და არასაგნობრივი;
• ხანგრძლივობის მიხედვით – მოკლევადიანი (როცა პროექტის დაგეგმვა, რეალიზაცია და რეფლექსია პირდაპირ გაკვეთილზე ხდება) და გრძელვადიანი (პროექტის ხანგრძლივობა ერთ თვეზე მეტია);
• მოსწავლეთა რაოდენობის მიხედვით – ინდივიდუალური, წყვილთა, ჯგუფური, კოლექტიური.

პროექტზე მუშაობა მოსწავლეთა ინტერესის სფეროს განსაზღვრით, პროექტის თემის შერჩევითა და ფორმულირებით, მისი მიზნებისა და ამოცანების ჩამოყალიბებით იწყება. თემის შერჩევისას შემდეგი კრიტერიუმების გათვალისწინებაა საჭირო:

◦ მოცემული ინფორმაციის მნიშვნელობა და საჭიროება მოსწავლეებისთვის;

◦ პროექტის სოციალური მნიშვნელობა;

◦ კავშირი გეოგრაფიის სასწავლო კურსში შემავალ თემებთან;

◦ პრობლემის დასმის შესაძლებლობა;

◦ საგანთაშორისი კავშირების რეალიზაციის შესაძლებლობა;

◦ მოსწავლეთა პირადი გამოცდილების გამოყენების შესაძლებლობა.

თუ მოსწავლეებს პროექტის თემის შერჩევა უჭირთ, შეგვიძლია, „პროექტების ბანკი“ გამოვიყენოთ.

ამის შემდეგ მოსწავლეები აგროვებენ, სწავლობენ და ამუშავებენ ინფორმაციას, სახავენ დასახული ამოცანების გადაწყვეტის გზებს, არჩევენ კვლევის შედარებით პერსპექტიულ და ოპტიმალურ მეთოდებსა და ხერხებს, სასწავლო პროდუქტის ფორმასა და პრეზენტაციის საშუალებებს. მასწავლებელი ამ პროცესის ფასილიტატორია და მოსწავლეთა საქმიანობას კოორდინაციას უწევს (იხ. დანართი „პროექტზე მუშაობის გეგმა“).

პროექტული სწავლების მეთოდი ხელს უწყობს პრობლემური მიდგომის ფართოდ გამოყენებას, როცა პროექტის თემის ძირითადი შინაარსი განსაზღვრული აქტუალური პრობლემის გადაწყვეტას ეხება, მაგ., კაცობრიობის გლობალური პრობლემების, მსოფლიოს ქვეყნების ან საქართველოს მხარეების შესწავლის დროს.

გეოგრაფიის კურსის ეკოლოგიზაცია ერთ-ერთი მნიშვნელოვანი გამჭოლი მიმართულებაა. ეკოლოგიური შინაარსის სასწავლო პროექტები მოსწავლეებს საშუალებას აძლევს, გაეცნონ მსოფლიოს, საქართველოს და საკუთარი რეგიონის ან დასახლებული პუნქტის ეკოლოგიურ პრობლემებს. ასეთ პროექტებში ეკოლოგიური ცოდნა შემდეგი თანმიმდევრობით უნდა იქნეს განხილული:

ადამიანის მოთხოვნილება                       ზემოქმედების სახეები                  ანთროპოგენული დატვირთვა              გარემოს ცვლილება           შედეგები ადამიანისთვის             რაციონალური ბუნებათსარგებლობის ხერხები.

პროექტების გამოყენება ასევე შეიძლება ტურისტული მარშრუტების, ექსკურსიებისა და მოგზაურობების დაგეგმვის დროს. ასეთი პროექტები ავითარებს მოსწავლეთა შემოქმედებით უნარს და მათში სოციალური და კულტურული ასპექტებია წინ წამოწეული.

სასწავლო პროექტები საგანთაშორისი კავშირების დამყარებას უწყობს ხელს. ისინი აერთიანებენ მეცნიერების სხვადასხვა დარგის ცოდნას: გეოგრაფიისას, ეკოლოგიისას, ეკონომიკისას, ფიზიკისას, სოციოლოგიისას, დემოგრაფიისას, ქიმიისას, – და საგანთაშორისი ცნებების შესწავლის პირობებს ქმნიან. ინტეგრირებული პროექტები საშუალებას იძლევა, თემა განხილულ იქნეს უფრო მრავალწახნაგოვნად, რაც სწავლების პროცესს უფრო საინტერესოს ხდის, ხოლო მოსწავლეთა ცოდნას უფრო ამდიდრებს და აღრმავებს.

პროექტული სწავლება ხელს უწყობს მოსწავლეთა მოტივაციის ამაღლებას. ისინი დაინტერესებულნი არიან საკუთარი შრომის შედეგით. ამ დროს იცვლება ურთიერთობა მოსწავლეთა შორის, ისინი სწავლობენ საკუთარი აზრის გამოხატვას და დაცვას, სხვისი აზრის მოსმენას, კონფლიქტების მართვას და კონსენსუსის მიღწევას. პროექტული სწავლება ორიენტირებულია მოსწავლეთა მიზნების მიღწევაზე, აყალიბებს არაერთ უნარ-ჩვევას და ამიტომაცაა ესოდენ ეფექტური.